Shqipëria ndodhet në jugperëndim të Europës, në gadishullin e Ballkanit duke u kufizuar në jug me Greqinë, në lindje me Maqedoninë e Kosovën, në veri me Malin e Zi e në perëndim me detin Adriatik e Jon. Ajo ka një sipërfaqe prej 28 748 km2 nga ku 1 350 km2 janë ujore dhe 27 398 km2 tokë. Shqipëria ka një popullsi prej rreth 3 544 841 banorë me një rritje popullsie prej 1.06% në vit. Vendi ynë ka një vijë bregdetare prej 362 km përgjatë detit Adriatik e detit Jon. Kryeqyteti i Shqipërisë është Tirana, e cila është qendra kryesore urbane e vendit, ndërsa qytete të tjera kryesore janë: Durrësi, Shkodra, Lezha, Fieri, Vlora, Saranda, etj.

Shqipëria është anëtare e Kombeve të Bashkuara, NATO, OSBE, KE, OBT dhe një nga vendet themeluese të Bashkimit për Mesdheun. Shqipëria ka aplikuar zyrtarisht për anëtarësim në Bashkimin Europian më 28 prill,2009.

Sistemi Bankar shqiptar është fuqizuar me hyrjen e bankave të mirënjohura si Raiffeisen Bank, Societte General, Intesa San Paolo, Credit Agricol duke ofruar stabilitet e mundësi financimi në forma kreditimi të pakufizuara. 

Sistemi i taksave në Shqipëri është mjaft stimulues për investitorët. Gjithashtu qeveria Shqiptare ka firmosur një sërë marrëveshjesh dypalëshe për nxitjen dhe mbrojtjen reciproke të investimeve në Republikën e Shqipërisë. Sipas legjislacionit në fuqi kompanite vendase dhe të huaja mund të blejnë pa kufizim pasuri të paluajtshme, për t’i zhvilluar drejt biznesit ose për përdorim immobiliar. Në Shqipëri janë duke u përfunduar mjaft studime urbanistike kryesisht në turizëm dhe në infrastrukturë përgjatë Rivierës Shqiptare.  Kjo ka rritur interesin drejt tregut imobiliar në Shqipëri duke e bërë vendin një target të rëndësishëm dhe një treg me prespektivë afatgjatë drejt investitorëve qofshin këta individë ose biznese.