Magazine Ne Shitje - Durres

SHITJE MAGAZINË / KAPANON INDUSTRIAL – PORTO ROMANO, DURRËS
Ofrohet për shitje një pronë industriale e nivelit të lartë, e pozicionuar në zonën industriale pranë Portit të Ri në Porto Romano, Durrës. Kjo pronë është projektuar dhe ndërtuar me standarde rigoroze, ideale për aktivitete të rënda industriale, përpunim metalesh, prodhim ose logjistikë.
Të dhënat kryesore të pronës:
• Sipërfaqe totale e tokës: 9,000 m² (me planvendosje që mundëson dyfishimin e kapanonit ekzistues).
• Sipërfaqe e mbuluar (Magazina): 2,900 m²
• Sipërfaqe zyra (Kati i parë): 300 m²
• Lartësia e brendshme: 11 metra
Karakteristikat Teknike dhe Konstruksioni:
• Strukturë solide: Ndërtim me konstruksion beton-arme (kollona beton-arme dhe veshje anësore me elemente parafabrikate beton-arme), e disenjuar posaçërisht për të përballuar aktivitetet e përpunimit të metaleve.
• Infrastrukturë për Vinç Ure: Prona disponon strukturën lidhëse mes trareve vertikale, e gatshme për montimin e vinçit të ures rrëshqitës.
• Çatia dhe Efiçenca Energjetike: Çati me dy kulme e mbuluar me panel sandwich. Forma e çatisë është projektuar për të rritur sipërfaqen me pamje nga jugu, duke ofruar rreth 2,000 m² hapësirë ideale për instalimin e paneleve diellore.
• Dyshemeja dhe Aksesi: Dysheme industriale me kuarc, e përshtatshme për ngarkesa të rënda. Aksesi në magazinë bëhet përmes 4 portave industriale elektrike.
Vetëm 5 minuta larg nga Porti i Ri i Porto Romanos, duke ofruar një avantazh të jashtëzakonshëm strategjik për eksport-import. Territori i pronës ka një organizim funksional me dy rrugë të dedikuara për hyrjen dhe daljen e mjeteve, duke garantuar një qarkullim të rrjedhshëm dhe pa bllokime për kamionët dhe mjetet e rënda.
Kjo pronë përfaqëson një mundësi të shkëlqyer investimi afatgjatë për çdo kompani që kërkon të zgjerojë aktivitetin në zonën industriale më në zhvillim të vendit.
Për më shumë informacion ose për të planifikuar një vizitë në pronë, ju lutemi të na kontaktoni.

Tags:
Magazine,Magazine Shitje,Magazine Shitje Durres,toke industriale magazine bregdet industri Shitje Durres,Magazine ne Porto Romano, prane Portit te ri.,