Jepni shtëpinë me qira ditore? Kujdes taksën e re në Airbnb dhe Booking!

Në kohën kur tregu i akomodimit turistik po ndryshon me shpejtësi dhe kur shqiptarët iu bashkuan tendencës botërore për apartamente me qira ditore, duke formësuar kështu Airbnb shqiptare, taksa e re që i është vendosur bizneseve për listimet në Booking, ka bërë që ky sektor të ballafaqohet me sfida të reja.

Bëhet fjalë për ndryshimin e tatimit në këtë sektor. Nga 1 nëntori 2023, ata që japin apartamente me qira duhet të deklarojnë NIPT-in, ndryshe do paguajnë 20% TVSH mbi komisionin.

Tashmë midis kompanive ndërkombëtare që ofrojnë këtë lloj shërbimi dhe administratës tatimore është vendosur bashkëpunimi për formalizimin e tregut dhe për taksat që duhet të paguhen për të ardhurat e gjeneruara nga qiratë afatshkurtër.

Me kërkesë të autoriteteve shqiptare, platforma Booking, nëpërmjet një njoftimi, u ka kërkuar pronarëve të apartamenteve se nëse nuk deklarojnë NIPT-in, nga 1 Nëntori do të paguajnë 20% TVSH për komisionet që mban Booking.

“Ju lutem vini në dispozicion numrin tuaj NIPT brenda 31 Tetorit 2023. Gjithashtu konfirmoni regjistrimin tuaj për taksën e TVSH-së, datën e regjistrimit dhe deklaratën e regjistrimit të TVSH-së brenda 31 Tetor 2023. Nga 1 Nëntori 2023, nëse nuk keni dorëzuar regjistrimin e TVSH-së, konfirmimin që jeni i regjistruar në TVSH, datën dhe një kopje të vërtetimit tuaj të regjistrimit do të aplikojmë 20% TVSh në faturën e komisionit që ju dërgojmë. Ju lutem vini re se kjo ka të bëjë vetëm me faturën e komisioneve që ju dërgojmë, nuk ndikon në TVSH-në që i ngarkohet klientit në çmimin e qëndrimit të tyre në pronën tuaj”, thuhet në njoftimin e Booking.

 

 
Shembull:
P.sh. nëse një shtëpi ka një qira ditore 100 euro, Booking merr zakonisht 12-18% komision, ose 12-18 euro. Tashmë Booking do t’u mbajë pronarëve të apartamenteve TVSH-në mbi komisionin që ajo merr, pra 20% të 12-18 eurove, ose 2.4-3.6 euro shtesë. Këtë shumë Booking do t’ua paguajë më pas autoriteteve fiskale shqiptare.

Në të shkuarën, komuniteti i pronarëve të ambienteve të Airbnb ka pasuar një rritje të shpejtë, duke krijuar një shtysë ekonomike të rëndësishme dhe duke sjellë një eksperiencë të personalizuar për vizitorët. Megjithatë, me hyrjen e taksave të reja, krahasuar me periudhën e mëparshme, shqetësimet dhe ndikimet potenciale janë bërë shumë të dukshme.

Një nga ndikimet kryesore e ka të bëjë me rritjen e kostove për pronarët e ambienteve të Airbnb. Taksa e re ka rritur barrën fiskale për ta, duke bërë që shumë prej tyre të ndryshojnë strategjitë e tyre financiare. Disa prej tyre mund të caktojnë një çmim më të lartë për qiratë, ndërsa të tjerë mund të ndryshojnë modelin e biznesit, nga qira ditore në ato mujore.

Në një këndvështrim tjetër, mund të shihet se taksa e re po kontribuon në rritjen e të ardhurave për qeverinë shqiptare. Kjo mund të shfrytëzohet për zhvillimin e infrastrukturës turistike dhe shërbimeve lokale, duke e bërë Shqipërinë më të atraktivë për turistët.

 

 

< Go back to news list

Ne menaxhojmë më shumë se 6000 prona

Keni pronë për shitje
apo për qira?

Dërgoni të dhënat tuaja
dhe agjentët tanë do t'ju
kontaktojnë menjëherë.

Plotësoni formën
  • Apartments
  • Villas
  • Offices

Harta me çmimet fiskale 2022

Eksperienca jonë nder vite për tregun aktual si dhe për perspektivën e zhvillimit në fusha të ndryshme na ka dhënë njohuri për të plotësuar hartën e parë dhe të vetme Interaktive të Tiranës me çmime të sugjeruara për secilën zone.

Shisni ose jepni me qira pronën

X

Jepni me qira pronën tuaj

X