Tashmë të gjithë personat që ushtrojnë aktivitetin në fushën e pasurive të paluajtshme në tregun imobiliar do të licencohen nga Ministria e Drejtësisë. Ligji që parashikon mirëfunksionimin e këtij sektori ka marrë miratimin në parlament. Ligji është hartuar ekspertë të Ministrisë së Drejtësisë dhe në relacionin shoqërues thuhet se qëllimi i tij është “mbrojtja dhe garantimi i ushtrimit të profesionit të ndërmjetësit të pasurive të paluajtshme, si një profesion i lirë dhe i rregulluar”.

Nëpërmjet këtij Ligji të miratuar në janar të këtij viti, Profesioni i Ndërmjetësit të Pasurive të Paluajtshme konsolidohet akoma më tepër si një “Profesion Publik i Rëndësishëm”, duke garantuar kështu rritjen e pjesës së tregut në transaksionet me pasuritë e paluajtshme, zhvillimin profesional të vazhdueshëm, standardet më të larta të etikës, si dhe mbrojtjen reciproke në marrëdhëniet e biznesit dhe me institucionet shtetërore.

Çfarë impakti ka ky ligj dhe si do jetë ai më i dobishëm për Shtetasit Shqiptar? Le të listojmë pikat kryesore të analizuara nga DevInf:

-          Sipas këtij ligji, për herë të parë 32 vitesh në tregun imobiliar, më së fundmi do kemi “Licensime”. Licensat do sigurojnë që përveçse aplikanti të plotësojë disa kërkesa personale si: arsimi, mosha, vërtetime statusit ligjor etj, aplikanti duhet të ndjekë edhe të paktën 60 orë trajnime.

-          Agjensitë e pasurive te paluajtshme  kanë detyrimin të regjistrojnë çdo transaksion dhe relativisht të raportojnë rastet e dyshimta pranë DPPP, (Departamenti Parandalimit dhe Pastrimit të Parave). Ndërmjet këtij ligji, ky detyrim qëndron i njëjtë, e reja që sjell ky ligj është se për herë të parë, nëse agjencitë ose agjentët nuk regjistrojnë dhe nuk raportojnë si parashikohet në ligj nuk do rrezikojnë më vetëm gjobat e larta por do rrezikojnë edhe licencat e tyre dhe vazhdimësinë e punës.

-          Ligji për herë të parë njeh kontratat, formatet e kontratave dhe detyrimet e klientëve të agjenciveimobiliare. Një element shumë i rëndësishëm për industrinë. Ndër të rejat më të rëndësishme që sjell ky ligj është përqasja për herë të parë me kodin e etikës disiplinore dhe kodin e sjelljes për agjentët imobiliar.

-          Standardi i shërbimit dhe cilësia e shërbimeve të përfituara nga klienti fundor do rriten ndjeshëm pa kosto shtesë për klientin.

-          Sipas statistikave që kanë agjencitëimobiliare, tregu i përgjithshëm i pasurive të paluajtshme në Shqipëri në vitin 2021, ka pasur një qarkullim prej 1.2 miliard euro në vitdhe nga kjo pjesë vetëm 15-20% e tregut Ndërmjetësohet nga AgjencitëImobiliare. Krijimi i këtij ligji do i hapi rrugë rritjes profesionale të Agjentëve dhe Agjencive dhe si rrjedhojë brenda pak vitesh edhe agjencitëshqiptare do kenë një ‘market share, 70-80% të tregut imobiliar, sikurse ndodh në praktikën perëndimore.

-          Gjithashtu, duhet theksuar se ndërmarrja e kësaj nisme ligjore vjen si pasojë e detyrimeve që ka marrë Shqipëria nëpërmjet angazhimit politik të nivelit të lartë për të punuar me Task-Forcën për Veprimin Financiar dhe MONEYVAL-in për të forcuar efektivitetin e regjimit të saj në luftën kundër pastrimit të parave. Një nga masat kryesore është pikërisht ngritja e një legjislacioni për certifikimin e ndërmjetësve të pasurive të paluajtshme në mënyrë që bashkëpunimi për parandalimin e pastrimit të parave të kryhet edhe nëpërmjet masave të marra për certifikimin e tyre dhe formalizimin e tregut, i cili ndikon drejtpërdrejt në tregun e shitblerjeve të pasurive të paluajtshme, që është një nga elementet kyçe të pastrimit të parave në Shqipëri sipas raportit.

Ndryshimet e ligjit:

-          Të përcaktojë rregulla të thjeshtuara për ushtrimin e profesionit të agjentit imobilar, si  një profesion i lirë dhe i rregulluar në përmbushje të qëllimit për ndërmjetësimin e veprimeve juridike për kalimin e pronësisë së sendeve të paluajtshme ose të drejtave reale mbi to në përputhje me legjislacionin në fuqi.

-          Detyrimi për të raportuar nga ndërmjetësit e pasurive të paluajtshme pranë strukturave përgjegjëse të autorizuar me ligj,  në rast dyshimi për pastrim parash gjatë  kryerjes së transaksioneve që lidhen me pasuritë e paluajtshme.

Kushtet e një ndërmjetësi:

Agjentët imobiliare duhet të ushtrojnë aktivitetin e tyre në përputhje me këtë ligj, dhe për të ushtruar aktivitetin e agjencisë imobiliare, agjenti imobiliar duhet të plotësojë këto kritere:

-          të ketë zotësi të plotë juridike për të vepruar;

-           të ketë përfunduar arsimin e mesëm dhe të lartë,

-          të jetë shtetas shqiptar;

-          të mos jetë nën hetim apo gjykim për veprat penale në fushën e pastrimit të parave, të financimit të terrorizmit apo të armëve të shkatërrimit në masë; 

-          të mos jetë dënuar me vendim gjyqësor të formës së prerë për një vepër penale të kryer me dashje për të cilën nuk është rehabilituar;

-           të mos jetë dënuar me masë administrative gjobë ose masën administrative që detyron subjektin të ndalë një sjellje të caktuar, praktikë pune apo biznesi,

-          të ketë përfunduar programin e detyrueshëm të trajnimit për kandidatët për ndërmjetës të pasurive të paluajtshme.

Burime:

https://www.parlament.al/Files/Akte/20220201141000ligj%20nr.%209,%20dt.%2027.1.2022.pdf